Anque esti informe técnicu favorable ye una gran noticia, Luis Benito García, director de la Cátedra de la Sidre de la Universidá d’Uviéu ya impulsor de la candidatura presentada a UNESCO pidi prudencia énte los titulares trunfalistes dando por fecha la declaración de Padremuñu Cultural Inmaterial de la Humanidá pa la Cultura Asturiana de la Sidre
LA SIDRA.- Titulares comu “¡La sidre yá ye mundial!, presentes na mayoría de los medios de comunicación asturianos, puen llevar a tracamundiu. Non, per agora la Cultura Asturiana de la Sidre nun ta reconocía pola UNESCO como Padremuñu, eso decidiráse en Paragüay, el mes d’avientu.
Lo que ye cierto, y una perbona noticia, ye que’l Muérganu d’Evaluación d’esti organismu internacional vien d’emitir un informe favorable qu’encamienta la inscripción oficial de la candidatura na próxima convención, que va cellebrase del 2 al 7 d’avientu n’Asunción, Paraguay.
Con esti informe favorable per parte del Muérganu d’Evaluación, queda namás pendiente la ratificación oficial na convención de la UNESCO a finales d’añu, qu’entá siendo mui probable nun ta asegurada al cien por cien. El mentáu informe, públicu yá na páxina web de la UNESCO, destaca que la sidre asturiano cumple con tolos criterios necesarios pa la so inclusión na llista, reconociéndola como un símbolu d’identidá” y valorando la esistencia de “una amplia comunidá de preservación cultural”, unes declaraciones que suponen probablemente’l respaldu definitivu pa que la nuesa cultura sidrera reciba, nun mes, la esperada reconocencia oficial a nivel mundial.
Pa recibir el PDF de la revista LA SIDRA fai falta tar dáu/da d’alta nel whatsapp de LA SIDRA
