COEM Astur ye una de les poques empreses que pue presumir de ser coles mesmes provisora oficial del Real Uviéu SAD y del Real Sporting SAD, una siñal inequívoca de que, percima de les rivalidaes esportives, primero de too somos asturianos… y sidreros.
LA SIDRA.- Nun importa si yes un convencíu siguidor del Real Uviéu o si yes parte activa de la Mareona, pa cellebrar bien les victories y recuperase tres les derrotes nun hai ná como unos culinos de sidre y si la echa l’escanciador llétricu Isidrín del to equipu, ¿qué más se pue pidir?
Pos que’l vasu seya tamién del to clú favoritu.
Dambes coses son posibles agora, yá que COEM Astur ye provisor oficial de los dos equipos y encárgase de presonalizalos pa una y otra afición.
Fsta’l momentu tienen disponible, tantu nes tiendes oficiales de los respeutivos clus como en ferreteríes y tiendes especializaes, l’Isidrín presonalizáu de ca equipu (gama Home), el modelu coluna nes dos versiones (gama profesional) y los respeutivos vasos de sidre.
El productu estrella tocántenes a vientes ta siendo’l simpáticu y entrañable Isidrín, qu’encanta a siguidores de dambos equipos.
Agora ta por ver cuála de les dos aficiones respuende meyor al retu sidreru y cuála de les dos versiones ye la más demandada.
