Llucía Fernández Marqués ñaz en Xixón un martes 13 allá pel 1974, malque siempres se consideró más quíxole (de La Pola Llaviana) que playa.
Estudió Ciencies empresariales internacionales, a camín pente Xixón, Niza y París, colo qu’afita los sos conocimientos de Francés, tornándose políglota dafechu, al dominar la llingua asturiana, la española, la inglesa y la francesa, arriendes de tener conocimientos básicos d’otres poques llingües. Trabaya en delles ocasiones comu interprete, tanto de francés comu d’inglés, participando en tres ocasiones nel Festival Interceltique de L’Orient, desendolcando llabores de prensa y torna.
Dende bien piqueña interésase poles lletres, espublizando por primer vegá con namás nueve años, na publicación LLetres Asturianes y ganando de magar entós abondos concursos lliterarios. Tien tres llibros espublizaos: Boravenos (Ed. Del Norte) , Grandelina (Ed. Del Norte) ya Intervenciones – torna del llibru de Noam Chomsky- (Espublizastur)
Arriendes d’ello, collabora esporádicamente en delles revistes: Puxa, El Fielatu, N’Ast, Al Debalu y finalmente, en 2007 entama a escribir d’una mena más constante pa LA SIDRA, onde ye anguañu redautora xefa.
