La espicha cola qu’entama la temporada sidrera asturiana cellebraráse del 29 marzu al 1 d’abril nel Muséu del Pueblu d’Asturies, Xixón.
LA SIDRA.- Esta cellebración, declarada de raigañu social pol Ayuntamientu Xixón, da bona amuesa de los viva que ta la cultura sidrera nel nuesu país y de lo importante que ye pa los asturianos.
¡Cuenta atras pa qu’un añu más escomience la IX Primer Sidre L’Añu! Una folixa na que tienen llugar les manifestaciones más importantes de lacultura sidrera asturiana.
Música’l país, gastronomía de la tierra, concursos, esportes tradicionales, tasties, esibiciones… y por supuestu sidre, muncha sidre. Y ye qu’esti alcuentru ufre la posibilidá de prebar la nueva produición de gran parte de los llagares asturianos y que marcará la tendencia de la nuesa bébora emblemático demientres tol añu. ¡Y too ello por namás 6 €!
La IX Primer Sidre L’Añu tendrá como sidre oficial a Sidra Riestra, ganaora de la Meyor Primer Sidre L’Añu 2018, y cellebraráse del 29 marzu al 1 d’abril nel Muséu del Pueblu d’Asturies en Xixón n’horariu de: Xueves de 13:00 a 22:00 h. Vienres y sábadu de 12:00 a 22:00 h. y domingu de 12:00 a 18:00 h.
Y nun mos escaezamos del Sidracrucis!!!!
