L’alunu Pablo García Llorente ganó’l concursu “Escueye’l to pinche”
LA SIDRA.- L’alunu de la Escuela d’Hostelería del IES Valle d’Ayer, Pablo Llorente, participó güei esti martes nel concursu “Escueye al to pinche” en Madrid Fusión. El concursu, entamáu por Makro, desendolcóse nel recintu d’IFEMA, dientru les actividaes de la cume gastronómicu internacional.
La fase previa del concursu consistió en que dellos alumnos tresnaronuna receta acomuñada a un de los siguientes cuatro cocineros: Jesús Segura, del Restorán Trivio- Cuenca; Oscar García del Restorán Baluarte-Soria; Pablo González Conejero, del Restorán Cabana Buenavista-Murcia y Cristina Figueira, del Restorán El Xato- Alicante. Dempués, un xuráu escoyó a un alunu por xef, pa que participara xuntu con elli como ayudante.
Nel casu del IES Valle d’Ayer, Pablo escoyó al cocineru Óscar García, y, como foi escoyíu, dambos participaronn na final con un platu de clara inspiración soriana col que trunfaron. Los dos trabayaron primeramente nel restorán de Oscar García pa matizar dellos aspeutos del platu.
* Semeya: David Martín
