El restorán acaba de ser abiertu pol cocineru gallardonáu con una estrella Michelín, Jaime Uz.
LA SIDRA.- Dempués de Arbidel, el restorán posesor d’una estrella Michelín en Ribeseya, Lena ye’l nuevu apueste del cocineru Jaime Uz n’una de les capitales sidreres d’Asturies, Villaviciosa.
La sidrería gastronómica foi nagurada ayeri, tres l’apertura oficial el domingu, que cuntó cola presencia d’otros cocineros famosos como Nacho Manzano, Pedro Morán, Abel Terente y Luis Alberto Martínez; el críticu gastronómicu Eduardo Méndez Riestra; el presidente del IGP Tenral Asturiana Rubén Fernández; y l’alcalde de la ciudá, Alejandro Vega.
La calidá de los productos, con David Castroargudín como xefe de cocina y Alexis Arturo como xefe de sala, asina como una variada bodega, van ser les traces claves pal so ésitu.
En Lena pue esfrutase de fasta venti sidres naturales DOP, brut y vinos asturianos DO.
