Nel añu 84 Gabino Lorenzo que d’aquella atopábase trabayando nun chamizu mineru, decide montar un mesón con so má al frente la cocina. Dao la so pasión pola sidre, dempués d’unos 10 años decide camudalu en sidrería, o lo qu’elli vien denominando “sidreteca”, pues anguañu ufre sidre Canal, Fonciello,Cortina, Peñón d’Escoyeta, Villacubera, Sidra Ecológica Cortina , Brut de Poma Áurea, Sidra de Hielo Cortina o Zythos de nueva espresión.
Xunta esta gran variedá sidrera preséntamos una ellaborada y acuridiada cocina casera con unes suculentes tables mistes d’embutíos, carne y pexe. Destaquen los sos entrecots y chuletones, la gran variedá de cachopos, los centollos en temporada, los calamares de potera, los callos caseros y un esquisitu llacón, cuntando tamién con una gran variedá de tapes. Los postres, caseros, y ente ellos llama l’atención la tarta de quesu afuega’l pitu.
Por supuestu, la sidre servío a temperatura correcha y en tiempu y forma.
LA SOLANA, Sidrería Restorán. Jerónimo Ibrán, 5 . Mieres T. 985 463 350
