Un estudiu fechu por un grupu d’investigación de la Facultá de Química de la Universidá del País Vascu conclúi que la sidre ye beneficioso pa la salú.
LA SIDRA.- Dichu estudiu, nel que participa’l doctor en química y conocíu asesor enóloxicu Juan Zuriarrain -collaboraor avezáu del LA SIDRA- y espublizáu na revista científica Journal of the Science of Food and Agriculture, conclúi que la capacidá antiosidante de la sidre ye asemeyada a la del zusmiu de naranza.
L’estudiu analiza los polifenoles, antiosidantes naturales, y ente ellos el tirosol, que se produz demientres la formientación de los mostios y del que se tien establecío que cunta con “propiedaes interesantes”, tantu comu antiosidánte comu anti carcinóxenu, antimicrobianu y cardioproteutor. La investigación determina que la sidre tien abonda concentración de tirososl comu pa convertise nuna bébora tan saludable comu unvinu tintu.
L’estudiu, nel que participaron Andoni Zuriarrain, Juan Zuriarrain, Ana Puertas, María Teresa Dueñas, Miren Ostra e Iñaki Berregi, féxose de magar seyes variedaes de sidre ellaborao con mazana vasco: Goikoetxea, Manttoni, Moko, Patzuloa y Txalaka
