Interesante analís de la sidre nel Estáu francés, a cargu de Donato X. Villoria, avezáu collaboraor nesta revista y reconocía autoridá nel mundiu la sidre nel panorama internacional
LA SIDRA.- Hai fasteres en Francia afamaes pola so sidre, como Bretaña y Normandía, tamién una bona parti de la Valle del Loira y, anguaño, tamién Iparralde. El mundiu la sidre algama munches más estayes que solo lo tocante a la enoloxía, a les que queremos averanos y falar de bébores, masque tamién daqué de xinta y de cultura.
Que Francia ye un país de sidre ye bien sabío; y dientru’l país hai una rexón, la costa atlántica de Bretaña y Normandía, xunto cola fastera del Loira, masque anguaño, tamién na costa del suroeste, Iparralde, el País Vascu Francés, nos qu’esta bébora tien un nome propiu non solo na enoloxía, sinón tamién na gastronomía y la cultura llocales.
Talamente como mos pasa n’Asturies, tampoco nos territorios sidreros franceses nun se tien conocencia d’un llugar y d’un momentu exactu de los que poder dicir que nellos tea l’orixe de la so sidre. Masque sí que faen reconocencia na tradición de qu’a ellos aportó-yos la sidre dende dalgún llugar del noroés de la Península Ibérica.
