La sidre, y la cultura que los asturianos llevamos entetexendo al so alrodiu tien munches manifestaciones, ente elles nel canciu, la tradición y la llienda.
LA SIDRA.- Como ye llóxico la nuesa bébora atópase presente na tradición y l’actualidá del nuesu país, configurando por exemplu un exe temáticu na canción llírica popular -asturianada-, afayándose tamién nel reflaneru, y siendo base d’interesantes lliendes.
El reinal desenfotu de les istituciones “asturianes” a tolo que seya la cultura ya identidá patria, asina como l’enfermizu alloñamientu de la Universidá d’Uviéu de lo que ye la cultura asturiana, facilita que nun tean debidamente estudiaes y valoraes les espresiones de la cultura asturiana de la sidre, y por eso presta abondo cuntar con trabayos como los rializaos por Yolanda Cerra Bada y espublizaos a finales del sieglu pasáu (1991) na Revista de Folkore númberu 123 y 125 que son un bon puntu partía pa un estudiu munchu más ampliu y fonderu.
Los artículos en custión son:
La sidra en la canción, el refrán y la leyenda. Revista de Folklore númberu 123 Pax. 92 a 94
Algunas costumbres en torno a la sidra. Revista de Folklore númberu 125 Pax. 170 a 173
