Los diseños de botelles y etiquetes de la xoven diseñaora Cordelia Pickford foron escoyíos pa formar parte de la VII Edición de la BID que tuvo llugar n’El Matadero de Madrid.
LA SIDRA.- La VII Edición de la Bienal Iberoamericana de Diseñu -BID- ye un alcuentru qu’aconceyó a diseñaores y estudiantes de dicha disciplina procedentes de 23 países iberoamericanos. Y ellí, la sidre asturiano tuvo presente.
La diseñaora Cordelia Pickford espunxo nesti congresu’l so Trabayu de Fin de Grau, nel que presentó 22 modelos de botelles basaos nos nomes de les que, fasta va unos meses, yeren les 22 races de mazana reconocíes pola DOP Sidre d’Asturies -númberu que s’amplió’l pasáu mes d’ochobre fasta algamar les 76 d’anguañu-. “El mio proyeutu de sidre asturiano formó parte de la esposición de la muestra d’estudiantes xunta más de cien trabayos pertenecientes a estremaos cientros formativos de los países participantes, siendo ún de los cuatro trabayos qu’escoyó la Facultá de Belles Artes de la UCM pa representar a la Universidá Complutense.
