Una dellegación de la revista LA SIDRA y de la Fundación Asturies XXI participará en Cidrexpo esta fin de selmana, au presentarán la sidre y la cultura sidrera asturiana y el XIII Salón Internacional de les Sidres de Gala
LA SIDRA.- Cidrexpo ye’l Salón Internacional de les Sidres francés, qu’agora cellebra la so segunda edición tres el paréntesis del Covid. Cellébrase’l 26 y 27 marzu en Caen (Normandía), y nel mesmu participen grandes llagares –especialmente normandos, nuevos llagares, nuevos sidreros y toles families de sidres, perees, destilaos, Calvados, aperitivos, Pommeau, zusmios y vinagres.
Trátase d’un gran eventu internacional que permite una llectura global del universu sidreru nel que se dan cita tolos qu’anguañu trabayen cola mazana y la pera dende cualisquier llugar de la tierra.
La presencia de la revista LA SIDRA y la Fundación Asturies XXI en Cidrexpo tien por oxetu conocer l’actualidá de la sidre a nivel internacional, dar a conocer la sidre asturiano y la cultura asturiana de la sidre y presentar la prósima edición del XIII Salón Internacional de les Sidres de Gala que se cellebrará del 28 setiembre al 1 d’Ochobre
