La revista LA SIDRA en collaboración cola Fundación Asturies XXI unvió una dellegación a la feria de la sidre alemán, pa dar a conocer el nuesu país y la so cultura de la sidre, la sidre en sigo y especialmente la sétima edición del Salón Internacional de les Sidres de Gala.
Como davezu, LA SIDRA unvió una dellegación internacional pa caltener la so participación contínua na cellebración d’esti eventu sidreru alemán, representando la sidre asturiano (especialmente la DOP) y espublizando’l Salón Internacional de les Sidres de Gala, conocíu asgaya equí dempués de tantos años, favoreciendo la participación nel mesmu de les empreses participantes y llevantando l’interés de los asistentes pel nuesu país.
El Apfelwein International –enantes Apfwelwein Weltweit- ye anguañu’l principal eventu alemán d’anovación nel mundiu la sidre. desendolcáu nel ambiente elegante y hestóricu que supón el Palmengarten, el Xardín Botánicu de Frankfurt. Equí ufiértase la posibilidá de tastiar más de 250 especialidaes distintes de sidre de tol mundiu polos más de 50 espositores que participen.
Nesti eventu tamién se dan a conocer la ca vegada más refinada variedá d’accesorios utilizaos pal serviciu d’estes nueves sidres asina comu una gran esposición de variedaes de mazana.
La nuesa presencia nel mesmu nun solo garantiza una representación digna del nuesu país y la so sidre, sinón sobro too, abre les puertes a la internacionalización de dambos, y ponmos en contautu con productores d’otros países que puen atopar n’Asturies, nel Salon internacional de les Sidres de Gala, un referente nel mundiu la sidre.
