Esti agostu los corresponsales de LA SIDRA desplazáronse An Oriant (Bretaña) pa cubrir y esfrutar ún de los mayores festivales folclóricos d’Europa, el Festival Intercélticu d’An Oriant, nel que se dan cita tolos países celtes: Acadia, Asturies, Cornualles, Bretaña, Gales, Galicia, Escocia, Irlanda ya Islla de Man siendo esti l’añu de la so 49 edición.
Esti añu el protagonismu ye pa Galicia, que faen de cabezaleros. Equí ta tamién por supuestu la delegación asturiana, organizada por Iñaki Sánchez Santianes y compuesta polos grupos Banda Gaites Fonte Fuécara, Grupu Folcóricu Prau Llerón, y dellos artistes más.
Aparte dichos grupos la nota más festiva dala la carpa d’Asturies, qu’esti añu cunta con nueva direición, con novedaes no que cinca a programación pero que caltién la ufierta gastronómica y la sidre que yá ye seña y finxu de la cultura asturiana n’An Oriant.
