Como novedá nesta edición del Mercaú Navidiegu de Xixón, LA SIDRA cunta con un stand propiu onde mercar y tastiar sidre de toa Europa.
LA SIDRA.- Siguiendo la tradición de los mercaos navidiegos de les principales capitales europees, esti añu, como novedá, el Mercaú Navidiegu de Xixón –MeNaX– cunta con un stand dedicáu a la sidre, concretamente a la que participó nel Salón Internacional de les Sidres de Gala –SISGA’16–.
Nel exhibidor y puntu de vienta pue topase sidre de países como Alemaña, República Checa, Bretaña, Francia, Reinu Uníu, Países Baxos, Bélxica, Italia, Suecia, Portugal; y llóxicmante, d’Asturies. Una oportunidá única p’alquirir estos productos de gran calidá que d’otra manera sedríen imposibles d’atopar en cualesquier otru mercáu.
Por exemplu podrán topase sidres esplumoses –brut, dulces, semisecas y rosadas–; ellaboraes con otros frutos como les de pera; les que se presenten en formatu 1/3; les de nuevaa espresión; sidre con miel, sidre de xelu –anguañu bien demandaes y aclamaes–; aguardientes de sidre; y tamién Roxmut, conocíu yá como’l vermú asturianu y que tuvo gran ésitu demientres esti añu. Igualmente, el stand va cuntar con diversos productos gastronómicos rellacionaos cola sidre.
