Asitiada al norte de Washington, la ruta dexa a los visitantes esperimentar los saborgos de la península.
LA SIDRA.- Olympic Peninsula ye un gran brazu tierra al oeste de Washington qu’escurre a lo llargo del estrenchu Puget dende Seattle y contien munchos de los postreros llugares ensin esplorar de los Estaos Xuníos.
Ellí podemos atopar una ruta que convida a tol mundiu a visitar los sos llagares y esperimentar la guapura xavaz del paisaxe y la diversidá de les sos sidres.
Un placenteru viaxe en ferry y una hora en coche dende Seattle lleva a los visitantes al empiezu de la Ruta de la Sidre y conduzlos al traviés de campos, montes y granxes.
Caún de los trés llagares ufierta la oportunidá d’esperimentar la renacencia que la sidre ta viviendo en tol mundiu, al traviés de la visita de pumaraes y sales de tastia pa prebar los estilos de sidre actual y tradicionales.
Los llagares, Alpenfire, Eaglemount y Finnriver, atópense dientro d’un radiu de 10 milles, asina que pue visitase la ruta nuna tarde, o realizar una maraviosa escursión pela zona de Port Townsend.
Amás, esta fin de selmana cellebren un eventu especial pa festexar el Díi de San Valentín. Nómase el Tour del Vinu Tintu, la Sidre y el Chicolate y va siguir la prósima fin de selmana, del 17 al 19 de febreru, en nueve bodegues y llagares de Olympic Peninsula.
