El programa de la TPA sobro la bébora asturiano cuntó cola participación de miembros d’esta espublización
LA SIDRA.- El pasáu 15 d’ochobre emitióse en TPA’l programa Mundu Sidreru, qu’apocayá escomenzó la so nueva temporada nel mediu de comunicación autonómicu. Nel capítulu 2, cuatro espertos sidreros, que formen parte de la revista LA SIDRA y tamién del Clú de LA SIDRA, participaron coles sos reflexones y opiniones nel citáu programa: Llucía Marqués, José Manuel Lobo Llébana, Ana María Viciosa y David Martín.
Nel capítulu encetó la importancia de consumir sidre acoyío a la Denominación d’Orixe Protexida, amosóse una de les maneres pa estremar los vasos nesta dómina de COVID-19, y tamién, Llucía Marqués, defendió que los pumareros asturianos deberíen de llograr un preciu xustu poles sos mazanes. Hai que señalar que los pumareros fueron la exa central de la campaña publicitaria de la DOP esti añu.
Nel programa, el presentador Inaciu Galán, tamién entrevistó al actor Pedro Durán y visitó el llagar de Sidra Frutos. Amás dio a conocer el llabor como toneleros de los Hermanos Argüelles y afondóse na conocencia de la sidra brut teniendo como marco’l Centru Niemeyer. Nel siguiente enllaz puede vese el capítulu completu:
https://www.rtpa.es/video:mundu%20sidreru_551602803067.html
