Entámase en Madrid la espicha especial Primer Sidre L’Añu
LA SIDRA.- El vienres 15 d’abril cellebraráse en Madrid una nuea edición d’Espiches Madrid, na Sidrería A Cañada-Lavapiés (Ave María 17), especial Primer Sidre L’Añu, na que podrá probase direutamente de la barrica la primer sidre d’esti añu de sidre Trabanco, y degustar los quesos asturianos de Rebollín, pa darréu esfrutar d’espicha típica con sidre abondo y raciones variaes.
La espicha entamará de magar les 21 hores y comu davezu habrá sorteos, regalos y sospreses pa los asistentes.
El preciu sedrá de 20 € que s’apurrirán a la entrada del eventu, onde se repartirán les acreítaciones.
Pasu ente pasu, la campaña entamada por LA SIDRA dende va años reivindicando la sidre nuevo ensin trasegar, va cuayando, siendo ca vuelta más apreciada dientru y fuera’l país.
