Pente La Felguera ya El Berrón, nel mesmu Altu La Gargantá, alcontramos esta sospresa: un restorán únicu con tintes de muséu etnográficu, antíguu llagar fundáu, según atestigua la piedra, nel 1911 y que caltién, pente otres ayalgues, tres grandes prenses de fusu perfechamente integraes nos comedores.
Anque los precede la fama de la so parrilla y que vinimos col encamientu espresu de prebar allí (cito testualmente) “les meyores croquetes del mundu mundial”, yo tenía antoxu pola fabada, con compangu de la casa, d’espatarrar, neto que la tabla tortos de la mio acompañante.
Como somos unos valientes completamos con fayuelos rellenos de xicolate, tou ello acompangao de sidre El Santu (tienen tamién Canal). 100% d’encamentar.
SIDRERÍA LA LLARIEGA. Altu La Gargantá. Llángréu T. 984 20 97 67
