Na nueva edición participen 124 restoranes d’España y 7 d’otros países como México, Arxentina o Colombia. La edición de 2022 va escoyer el Meyor Cachopu del Mundiu
LA SIDRA.- La Guía del Cachopu entama un añu más el so tradicional Concursu Meyor Cachopu d’España. Esti añu van ser 131 los restoranes participantes, 7 más que na pasada edición. Los prósimos díis 31 de mayu, 1 y 2 de xunu, nel Balneariu de Les Caldes d’Uviéu, más de 70 restoranes y cocineros de tolos requexos del Estáu daránse cita na Capital del Cachopu 2021’ para demostrar énte un xuráu especializáu y de reconocíu prestíu les virtúes d’un de los platos estrella de la cocina asturiana.
El concursu yá ta en marcha y va desencolcase demientres tol mes de mayu. Nesta nueva edición los restoranes van ufiertar mientres tol mes un menú d’ente 18 y 25 euros (inclúi cachopu y bébora). Amás, pa tolos que quieran tastiar un cachopín, van poder faelo namás 6 euros (solo n’Asturies).
L’eventu, tou un clásicu del seutor hosteleru, consta de cuatro zones y una Gran Final:
– ZONA I: Concursu Meyor Cachopu y Cachopín d’Asturies 2021. 62 restoranes.
– ZONA II: Concursu Meyor Cachopu de Madrid 2021. 22 restoranes.
– ZONA III: Concursu Meyor Cachopu resto d’España 2021. 40 restoranes.
– ZONA IV. Concursu Meyor Cachopu resto del mundu 2021”. Cinco restoranes d’Arxentina, un de Colombia y un de México.
GRAN FINAL. Los díis 31 de mayu, 1 y 2 de xunu nel Balneariu de Les Caldes d’Uviéu.
Un xuráu formáu por espertos d’estremaos ámbitos va visitar tolos establecimientos sacántenes los de la Zona III que se tastiarán n’Uviéu y va escoyer los meyores cachopos.
Los cachopos escoyíos ente los 124 restoranes participantes d’España van enfrentase al palador d’un tribunal especializáu, compuestu por cocineros y gastrónomos asturianos de reconocíu prestixu, que van valorar aspeutos como la calidá de la carne, l’empanáu, la guarnición, asina comu la presentación y orixinalidá del platu.
Ente les propuestes qu’ufierten los restoranes pa llograr el gallardón atopamos un ampliu ábanu recetes: dende los clásicos cachopos rellenos de xamón y quesu fasta rellenos tan orixinales como marmiellada, calabacín, compota mazana, boletus, viña, picadiellu de xabalín, choscu de Tinéu, gochu asturcelta y fasta más de 20 variedaes de quesos asturianos, ente otres.
MÁS DE 50.000 MENÚS Y AUMENTU VIENTES
Na pasada edición, el ‘Meyor Cachopu d’España 2020’ foi l’ellaboráu nos fogones del restorán ‘LA CHARCA’ (Grupu Asgaya) en Madrid. Sirviéronse cerca de 50.000 menús en tol territoriu estatal. Amás, na gran mayoría de cocines primaron los productos asturianos, col impautu qu’ello supon pa la economía del país tantu en vienta de productu como na creación de puestos de trabayu direutos o indireutos.
Demientres les anteriores ediciones del concursu, amás de n’eventos y feries entamaes por ‘La Guía del Cachopu’, calcúlase una facturación de más de 10 millones d’euros en productos d’Asturies ente los restoranes participantes. La organización valoró’l premiu Meyor Cachopu d’España’ en mediu millón d’euros, cifra na qu’amonta les vientes el restorán ganador nos años siguientes al llogru del premiu.
Los restoranes participantes, menús y teléfonos pueden consultase na sección concursos de www.guiacachopo.com.
Patrocinadores y collaboradores d’esta edición: Excelentísimo Conceyu d’Uviéu como see oficial, Carnicas Pecar como patrocinador oficial, Les Caldes Villa Termal como see de les finales, Sidra Villacubera DOP, Pepsi Max, Kes, Carnicería Berdasco, La Corte de Pelayo, Revista LA SIDRA, Sidrería Pichote d’Uviéu, El Cogollu de La Descarga (Madrid), Rte. La Charca (Grupu Asgaya Madrid), Madrid Secretu, Madrid Happy People y Freidorascachoperas.com
