El volume d’entrega de contraetiquetes nel añu 2024 de la Denominación d’Orixe Protexida Sidre d’Asturies cífrase en 4.626.600 precintes, lo que supon un 6% de xorrecimientu con respeutu al 2023. El valor comercial de la sidre certificao como Sidre de Asturies ta perriba los 6 millones d’euros
LA SIDRA.- La DOP Sidre d’Asturies sigue xorreciendo teniendo en cuenta qu’el 82% de les vientes de la sidre natural tradicional efectúense per mediu de la canal hostelera.
La sidra natural d’echar ye una bébora social, ye dicir de compartir, Ca vegada hai una mayor aceptación del consumu de productu con denominación d’orixe, gracies al aumentu de la sensibilidá de el consumidores alrodiu los productos asturianos en concreto y de productos caltenibles y de cercanía, de Km 0 y de calidá, como lo ye la única sidre ellaborao con mazana asturiana. La mayoría de llagares coinciden en que les vientes de la sidre DOP respeutu de la sidre común medraron enforma, lo que se debe ensin dulda a la promoción que se ta faciendo y a que les nueses sidres tán ganando tolos premios nos principales festivales sidreros del país.
En sidre natural destaca’l 82 % n’hostelería, un 9% n’alimentación y caltiénense les vientes nel mesmu llagar nel 9 %. Les vientes de sidres d’espolleta xorrecen a 91.678 llitros respeutu al añu pasáu un 20% y les calistraes al 123%.
Dende la DOP Sidra de Asturies somos optimistes pa esti presente añu tres la consecución de de la reconocencia de la cultura sidrera asturiana pola Unesco. Espérase otru xorrecimientu en vientes pola gran arribación de turistes y pola bona climatoloxía esperada.
El Conseyu Regulador tien como oxetivu amás del control y la promoción, defender la marcar SIDRE DE ASTURIES y namás pue llevar “la etiquetina” si ye DOP. Esta mención ye la UNICA que GARANTIZA que pasó unos estrictos controles de calidáy que la mazana ye asturiana. El Conseyu Regulador ye l’únicu organismu que CERTIFICA l’orixe y la calidá de la Sidre de Asturies.
Pesia toos estos años, entá hai muncha xente, inclusive profesionales de la hostelería que nun saben inda lo que ye Sidre de Asturies. Inclusive hai profesionales del sector ellaboraor que, con o ensin mala intención, entienden que pueden utilizar esa denominación-protección o evocación pa cualquier productu.
DATOS DOP SIDRE DE ASTURIES:
A 31 d’avientu de 2024, el Conseyu Regulador DOP Sidra de Asturies compónenlu:
31 llagares, 382 cosecheros, 869 pumaraes y 979 hectárees inscrites.
En 2024 apurriéronse 4.669.704 kilogramos de mazana con destín a DOP (cifra n’añu par) un 46 % más que va dos años. Ellaboráronse 3.338.804 de llitros.
