El Plenu del Conseyu Regulador de la DOP Sidre d’Asturies aprobó l’entamu del procesu elleutoral dirixíu a la elleición de vocales del mesmu col so consiguiente Calendariu y la composición de la Xunta Elleutoral
Como yá s’alcordó nel so díi cola aprobación de los estatutos, la Presidencia demientres el mandatu va ser rotatoria ente’l seutor pumareru y llagareru.
El Presidente en funciones de la entidá, Tino Cortina, agradeció a los integrantes del órganu de gobiernu’l trabayu desendolcáu polos mesmos estos años. Coles mesmes, manifestó’l so deséu de que la nueva xunta siga velando y dando puxu la marca, que tien un gran potencial de xorrecimientu y que ye imprescindible pal desendolcu del seutor agroalimentariu de la sidre n’Asturies.
L’añu 2021 va ser un añu importante nel seutor yá que se prevé una bona collecha de mazana, lo que podría facilitar la medría de la marca, polo que la nueva directiva, tres esti procesu elleutoral, tien un importante retu pa consiguir que la mayor parte de la produción de mazana asturiana se convierta en Sidra d’Asturies.
Les votaciones, previstes pal 15 de mayu, van cuntar con una mesa elleutoral en Villaviciosa. Amás, afáyase la posibilidá del votu per corréu pa facilitar el mesmu nesta dómina difícil por causa de la COVID-19, lo que se va comunicar a los votantes nos censos previstos.
