Asturianistes por Nava lleva al prósimu Plenu navetu la propuesta de que la see del Conseyu Regulaor de la DOP s’asitie nel Muséu de la Sidre de Nava.
LA SIDRA.- Los tres conceyales d’esti grupu municipal, ente los que s’afaya l’esalcalde navetu Emilio Ballesteros, que vien de dimitir del so cargu comu presidente de la Fundación de la Sidre, que ye la que xestiona’l Muséu, presenten un documentu nel que piden instar a la Conseyeríu de Mediu Ambiente y Desendolcu Rural a entamar los trámites precisos pa que la see de la DOP qu’agora s’atopa nel edificiu de San Xuan de Capistrano de Villaviciosa pase a Nava, plantegando asina mesmo al actual rexidor navetu, Juan Cañal a que comu presidente de la Fundación de la Sidre plantegue esta iniciativa ya inste al padronatu a que se dean les facilidaes precises pa que se lleve a cabu.
Los mencionaos conceyales navetos camienten que teniendo en cuenta los estatutos de la Fundación y que “munchos de los padronos forme parte tamién del Conseyu Regulaor, la see deberíe ser el Muséu de la Sidre de Nava, darréu que “centralizar les istalaciones respeutu al seutor de la sidre nun únicu edificiu abarataría costes al nun tener que caltener dos istalaciones estremaes y serviría pa revitalizar y dar un usu istitucional al Muséu de la Sidre·.
