L’antropólogu y profesor de la UNED Xuan de Con nagurará esti ciclu temáticu’l prósimu 11 d’ochobre
LA SIDRA.- Con esta charra la Fundación Almastur entama en Garbelles (Caldones) un ciclu de nueve charres que toquen temes perestremaos de gran interés, cientraos na cultura asturiana.
L’entítullu de la intervención ye “La Cultura de la Sidra, patrimoniu cultural inmaterial de la humanidá”, siendo’l ponente l’antropólogu y profesor de la UNED, Xuan de Con.
La conferencia tendrá soporte audiovisual y dellos intermedios musicales y/o poéticos en vivo alusivos al tema, a cargu del cantautor y escritor Carlos Rubiera y al finar la mesma fadráse un coloquiu y, darréu, un pinchéu-espicha nel Llagar de Garbelles (xusto embaxo la Sala Almastur).
P’asistir a esta conferencia -lo mesmo que pa caúna de les otres conferencies programes- ye menester apuntase primero y aportar un donativu a la Fundación, de 22 € por persona.
La Fundación Almastur ñació col envíes d’enfotase na defensa, estudiu y espardimientu de la cultura asturiana. Nesi sen, les ocho ponencies entamaes por esta entidá, presidida por Carlos Rubiera, toquen dellos temes perinteresantes que s’averen a lo que ye Asturies dende estremaes perspeutives, a cual más interesante.
Pa recibir el PDF de la revista fai falta tar dau d’alta nel whatsapp de LA SIDRA. ¡Gratis!!
