Ún de los chigres del Llinderu la Sidre, una auténtica referencia na contorna avilesina, onde la sidre y la bona mesa van de la man.
LA SIDRA.- Nun hai una estación de tren ensin un cantina, y equí ta La Cantina de la estación de Villalegre (Avilés). Un chigre onde Miguel Ángel Garrido y Pilar Meana, -“Miguel y Pili” pa los veceros y amigos- recíbenmos tres el recién remocicamientu y decoración rializada.
Foi en 2013 cuando decidieron empecipiar el viaxe na restauración poniéndose al mandu de la sidrería, onde adulces, como una máquina del tren qu’empecipia la so andaura, llevólos a formar xuntu colos demás establecimientos El Llinderu la Sidre.
Esti añu, a puntu d’entrar n’una nueva década, La Cantina, tien el so propiu sellu, la so propia ruta y la so propia identidá. Garremos el tren de la gastronomía sidrera nesta estación, parolando primeru con Miguel Ángel Garrido y de siguío con Pilar Meana.
