Enrique Castromán y Leticia Lorenzo, propietarios del merenderu La Cabaña, naguraron el pasáu mes d’abril un espectacular chigre nel barriu Contrueces, cola idega de caltener la sencia y dar continuidá al negociu.
LA SIDRA.- Tres l’ésitu collecháu col merenderu La Cabaña, asitiáu a la veriquina de la sablera de La Ñora en Quintueles (Villaviciosa), Enrique Castromán y Leticia Lorenzo decidieron dar continuidá al so negociu y el pasáu mes d’abril naguraron La Cabaña del Santu, un chigre espectacular, reformáu dafechu y asitiáu nel barriu xixonés de Contrueces, na que poder esfrutar del serviciu cercanu y familiar asina como de los esquisitos platos que lleven cuatro años conquistandos a los veceros que, de cutio, acuden al merenderu.
Nun díi tan importante como’l dela puesta de llargu del negociu, l’acoyía foi espectacular y nun faltaron los familiares y collacios que, cola so presencia, quinxeron sofitar a los propietarios nesta nueva andaura, pero tamién acudieron rostros conocíos y, sobro too, nuevos veceros que pretendíen conocer les virtúes d’esti chigre, qu’ufrió amás del tradicional corte xamón y de la sidre, una grandísima variedá de pinchos fríos y calecíos que fixeron les delicies de tolos asistentes.
