Entrar na Sidrería La Ballera treslládanos a un marcu intemporal onde la espresión “un chigre de tola vida” garra tol so significáu, coles sos baldoses -impolutes- estilu años 60, l’arume a sidre y xinta casero y les voces gayasperes de los veceros.
Dende la barra na que descansen caxes de sidre de les d’anantes, Guti apúrremos unos culinos de Sidra Trabanco Etiqueta Negra demientres vamos garrando nota del menú del díi.
El menú tamién ye un clásicu, menestra, bacallaes frites con pataques y tarta de quesu. Por supuestu, too ello casero y abondoso.
Agradezse que dexen la escudiella na mesa pa que te sirvas lo que quieras, un vezu prestosu pero mal entendíu polos foriatos -que quien llevar “lo que sobra pa casa”- y que, poro, ta perdiéndose en delles sidreríes.
