L’equipu fúbol de la ciudá más sidrera del mundiu introduz vinu la mancha nos sos “productos de calidá”.
LA SIDRA.- Que Xixón seya la ciudá más sidrera del mundiu, tantu por consumu de sidre (65 llitros por presona y añu), comu por actividaes sidreres (Primer Sidre l’Añu, Sidracrucis, Xixón de Sidre, SISGA, Fiesta de la Sidre….), y produición, nun paez importa-y munchu al equipu de fúbol de la ciudá que nuna nueva espresión de cosmopaletismu recurre al vinu de La Mancha comu productu identificativu de calidá, a vender nes tiendes oficiales del Sporting.
Una vuelta más, y polo que se ve, lo de ser un equipu xixonés y per ende asturianu, namás val p’atribuyise méritos y pidir sofitu, pero non a la hora d’actuar en consecuencia… y si ye que tamién son de los que nun atopen a la sidre al so altor ¿nun hai vinu Cangas?
El cosmopaletismu, y la deshonestidá a la hora de reivindicar l’asturianía, son una torga pergrande pa esti país, que desplica munches de les coses que mos pasen. Llueu quexámosmos.
