Sidre ancestral y sidre de xelu asturiano, sidre con ortiga irlandés, sidre con mazanes en peligru d’estinción de los Alpes o furgonetes sidreres que percuerren Portugal, dalgunes de les sorpreses de la primer xornada del Salón Internacional de les Sidres de Gala, que partió les sos actividaes entre Xixón y Nava
Na xornada de güei va aconceyar el xuráu internacional qu’otorgará los Premios SISGA, van revelase les novedaes del programa européu CIDEREU y van presentase sidres de Madeira, Letonia, Lituania, Estonia y Portugal, ente otres actividaes
LA SIDRA.- Ayeri celebróse la ceremonia d’inauguración del 14º SISGA, na que presentó l’eventu Marcos A. Fdz. Presidente de la Fundación Asturies XXI, entidá organizadora del mesmu, cola collaboración de la Fundación Caxa Rural de Xixón, la Revista LA SIDRA y el Ayuntamientu de Xixón.
Marcos Abel definió’l SISGA como “un eventu bien orixinal que nun se llinda a la esposición y vienta del productu sinón que tienen por oxetu la dignificación de la sidre, la calificación de la so calidá y la capacidá de la sidre pa tar presente en tou momentu y situación, dende una xunta ente amigos a un restorán de la máxima calidá”. Esti eventu, destacó, busca la internacionalización de la sidre y l’interrellación ente los participantes, “de manera que se compartan conocencies y esperiencies, tanto enolóxiques, como empresariales, gastronómiques y al traviés del entendimientu ente toos s’algamen sinerxies”. Nesi sen destacó la importancia de la creación de la Rede Europea de Ciudaes de la Sidra (RECS) y el compromisu social y políticu qu’implica.
Finalmente fixo un repasu al programa de los próximos díes, destacando la Tastia Abierta al públicu del sábadu y l’importancia de los Premios SISGA, pa los que güei aconceya’l xuráu internacional, l’únicu conocíu nel que ca participante apurre un miembru, garantizando la ecuanimidad del mesmu.
La Cata Inaugural corrió al cargu de Jiri Procházka llagareru de Cider Sekt, Chequia, que presentó’l so productu, cuntando amás la hestoria de la so llagar y la situación de la sidre nel so país.
Pela tardi el SISGA desplazose a Nava, onde tres la recepción oficial per parte del alcalde de la villa y del director del Muséu tuvieron llugar les conferencies y tasties guiaes que se celebraron a lo llargo de la tardi, hasta’l momentu de la espicha final que tuvo llugar nel Llagar de Sorribes.
Nes tasties presentaron los sos productos Eamon Lucey, de Stonewell Cider, Irlanda, Sidra Riestra, d’Asturies, y Gianluca Telloli, del llagar Maley, nel Valle de Aosta, Italia. Arcadio Vázquez, Dr. en Química, amás de presentar Ramos del Valle, sosprendió a toos con una sidre que calificó de ancestral pol so métodu d’ellaboración, basáu en lleldos esclusivos de sidre asturiano y ensin nengún tipu d’intervención enolóxica. Tamién hubo espaciu a la innovación empresarial, de la man de Maria José Valente, de la Sidrería Celta Endovélico, en Porto, quien presentó’l so proyectu de Cider Truck.
Recordamos que la xornada de güei vienres va ser importante ya intensa, yá que a lo llargo del día aconceyará na Finca El Duque’l xuráu internacional que va otorgar los Premios SISGA y simultanearánse diverses actividaes rellacionaes col mundu de la sidra que detallamos de siguío:
10:00 h. Visita a Llagar de Cabueñes y de les sos pumaraes tradicionales y n’exa vertical- al cargu de la so llagareru Diego Agüera, con degustación de la so sidre.
10:00 h. Conferencia presentación Cider Cities y del programa européu CIDEREU a cargu del presidente de la Fundación Asturies XXI, Marcos A. Fernández con intervención de los representantes institucionales internacionales presentes. Restaurante Finca El Duque
Visita al Xardín Botánicu de Xixón
13:30 h.- Recepción nel Conceyu de Xixón per parte d’autoridaes locales a los representantes institucionales de conceyos de Chequia, Italia, Portugal, Francia y España participantes nel proyectu Cider Cities y CIDEREU.
Salón Asturies. Palaciu de Congresos del Recintu Ferial Luis Adaro. Xixón
16:00 h. Recepción por representantes de la Cámara de Comerciu de Xixón y visita a AGROPEC (Feria del Campu y de les Industries Agrícoles, Ganaderes, Forestales y Pesqueres)
17:00 h. Presentación / Degustación Alimentos del Paraísu. Taller d’Harmonizaciones de sidra internacional con Alimentos del Paraísu, impartíes pol espertu Lluis Nel Estrada (cocineru, escritor y divulgador de la gastronomía asturiana), con intervención de los representantes de los llagares participantes.
I Intervención: ‘IGP Sidres de Madeira’ ac cargu deVictor Maciel Vieira. Sedretario/tesoreru de la Asoc. de Productores de Sidra de Madeira. y degustación de Sidra do Massa
II Intervención: Sidra Jaanihanso. Estonia, al cargu de Alvar Roosima.
III Intervención: Sidra Mr. Plume. Letonia, cargu de Maris Plūme
IV Intervención: Sodo Sidrine. Lituania, al cargu de Donatas Genys
V Intervención: Sidra Alfa. Portugal, al cargu de Duarte Moura.
Salón de Acto Fundación Caxa Rural de Xixón
21:00 h. Inauguración de la esposición Concursu Internacional de Semeyes LA SIDRA, con intervención del presidente de l’Asociación Asemeyando, Luis José Vigil-Escalera ‘Lujó Semeyes’.
21:30 h. Degustación de sidres asturianes brut y propuesta gastronómica al cargu de Miscelanea Gastro.
Pa presllar esta xornada, vamos llevar a los representantes internacionales a conocer de primer man la cultura sidrera con un percorríu poles sidreríes xixoneses.
Contactu de prensa: Llucía F. Marqués – 684644711
Más información en: https://sisga.info/as/
