El 11 y 12 de payares, l’Asociación de Fomentu de la Sidre Tradicional Asturiana fadrá dos xornaes enfocaes a la ellaboración de la nuesa sidre.
LA SIDRA.- Estes xornaes tan empobinaes a los amantes de la sidre que quien ampliar los sos conocimientos en tol procesu, dende’l llantíu de pumares fasta’l postrer pasu na ellaboración de la sidre, asina falaráse de cómo y cuando hai que llantar pumares, plagues, procesu de tresformación de la sidre’l duernu, tipos de toneles, sistemes de fríu, comu y cuandu corchar… y en xeneral de tolos aspeutos qu’intervienen la ellaboración de la sidre.
Nestes xornaes, que tendrán llugar nel Cientru Cultural San Xuan de Capistrano, Villaviciosa, participarán estremaos especialistes del mundiu la sidre y la mazana, de reconocíu prestixu como ye’l casu d’Enrique Dapena, Javier Muñiz, Juan José Mangas, Belén Suárez, Pedro Ramas, Tano Collada, Jose A. Norniella, Marcos Miñarro, Jorge Gcía Álvarez y Jorge Gcía Díaz.
La participación nes I Xornaes de Sidre tradicional asturiana tien un costu de 180 €, 150 € si se fai la iscripción enantes del 31 d’ochobre.
Estes xornaes tan entamaes pola Asociación de Fomentu de la Sidre Tradicional Asturiana y cunten col sofitu del Ayuntamientu Villaviciosa, la Contorna de la Sidre, Corchos Victor ya Instalaciones Fanjul
