La Conselleria de Turismo de Concello d’A Estrada, convoca esti concursu dotándolu de 1.150 € en premios.
LA SIDRA.- L’oxetivu ye da-y puxu a la Festa da Sidra, tanto no que cinca al so procesu d’ellaboración como de distribuición y consumu, “buscará dende un puntu de vista temáticu espeyar l’espíritu de la sidre”, polo que les imaxes que concurran al certame tienen que reflexar la cultura sidrera, y rendrán que tar feches dientru’l propiu conceyu d’A estrada. El concursu vien d ‘abrise y desendolcaráse fasta’l 3 de xunu, si bien el plazu pa presentación de semeyes algama’l prósimu 10 de xunu.
Como vemos nun ye solo l’Alministración vasca la que s’implica cola so sidre, mesmamente nun conceyu de Galicia, ensin mayor tradición sidrera, l’Ayuntamientu implícase ya invierte n’ello. Nun ye’l casu d’Asturies. Ensin dir más lloñe, el Concursu Semeyes LA SIDRA que yá va pela so undécima edición, y cunta cola reconocencia oficial de la Confederación Estatal de Fotografía, enxamás nun consiguió algamar dengún sofitu, nin de la Casa Conceyu de Xixón, nin del “Principado”, pesia que reiteradamente vien solicitándose-yos.
El Concursu Semeyes LA SIDRA tien agora mesmo un presupuestu en premios de 1.200 euros, ta entamáu pola revista LA SIDRA y la Fundación Asturies XXI y cunta únicamente col sofitu económicu del Llagar JR.
