Premiada con un meritoriu tercer puestu nel SISGA’15, Hera Rosé ye un nueu y acertáu apueste del siempres innovador Tino Vázquez, que ye obligao conocer.
LA SIDRA.- Ente les nueves sidres que pasu ente pasu van apeciendo nel mercáu, frutu del enfotu de los llagareros asturianos en da-y una mayor proyeición a la sidre, evolucionando haza formes nueves de magar de la tradición, xurde esta sidre rosao del Llagar Panizales, un auténticu caprichu pal paladar que dengún amante de la sidre debiere dexar de conocer, y que dende LA SIDRA vos encamentamos de toes toes.
Nota de Tastia:
Sidre daqué turbio col collor rosáu pálidu d’una zreza ensin terminar de maurecer, de finu arume afrutiáu y entrada potente en boca con un saborguín a zreces que conxuga’l llixeru, anque duraeru, dulce de la sidre base col saborgu ácedu-amargu de les zreces que nun algamaren el puntu de mauración y una moderada astrinxencia que mos trai alcordances del marmiellu.
HERA ROSÉ
Llagar Panizales.
Espinéu. Mieres
PVP.- 4,5 €
