L’Asociación de Sidreríes de Gascona convoca güei a les 20:30 hores, un echáu simultániu dende ventanes y balcones
LA SIDRA.- La iniciativa tien como oxetu sofitar la hostelería, al seutor de la sidre y a Asturies demientres l’estáu d’allarma por coronavirus,y fasta agora vienen anunciando la so participación fubolistes como Santi Carzorla, la surfista Lucía Martió, el piragüista Javier Hernanz, el cantante Victor Manuel, l’actriz Marina San José, o la presentadora Luján Argüelles.
Arriendes d’ello, tamién intervendrán 19 disc-jokeis del país (Uviéu, Xixón, Avilés, La Fresneda, Siero, Llaviana, L.lena, Valdés, Veigadeo….) pa poner música demientres l’echáu simultániu col ‘Asturies Patria Quería’ como “Denominación d’Orixe Protexía”
L’actividá ta entamada polos hosteleros de Gascona conxuntamente cola Axencia Sublimedia, y enviaren botelles de sidre con etiquetao específicu del eventu a dellos de los participantes, ente los que se topen unos 80 “influencers” o “bloggers”.
Por Asturies, pola sidre y pola hostelería asturiana, y a la Salú de toos.
