Esti xueves tornen los Cancios de Chigre a la cai Gascona d’Uviéu.
LA SIDRA.- Dientru’l progarma de Cancios de Chigre de la carbayona cai Gascona, El Coro Errante canciará en La Pumarada, el grupu Peña Careses en Tierra Astur, los Jóvenes Carrozas canciarán temes del cancioneru astur en La Manzana, y el Cum Laude, un coriquín nuevu, actuará na sidrería Villaviciosa.
Arriendes d’ello, l’Asociación de Sidreríes de Gascona comunica que’l vienres de magar les 20:30 actuará na cai la Bandina los Gascones, compuesta por Guillermo Perez (gaita), Antón Barquero, (tambor), Nel Sanchez, (curdión diatonicu) y Xaquin Fernandez, (bombo y platillos”. Esta bandina, amenizará la nuechi de los vienres en Gascona fasta la prosima primavera.
Per otru llau, la anuncia de qu’el “Principado” va iguar la llei d’espeutáculos públicos qu’agora mesmo prohibe la música en direutu nos chigres y restu de llocales d’hostelería, cola esceición de los “tablados flamencos”, permitirá continuar col noble vezu de canciar pelos chigres ensin pelligru de que’l chigre seya multáu por ello.
