Tán ellaboraes en California y comercialícense como un productu qu’aída al nuesu organismu
LA SIDRA.- El vinagre de sidre ufierta munchos beneficios y una empresa californiana apostó por elli. Facer gominoles y comercializales como un productu qu’aida a ameyorar la nuesa dixestión, piel, controlar el nuesu pesu, caltener un sistema inmunitariu saludable y a aumentar la nuesa enerxía.
“Goli Nutrition ye una compañía de nutrición, creativa y enfocada nes presones, impulsada pola creencia de que la felicidá y el bientar van de la man. El nuesu oxetivu yera crear una forma fácil, nutritiva y deliciosa paque toos pudieren incorporar el vinagre de sidre de mazana na so rutina diaria. Tamos arguyosos de que les nueses Gominoles Goli seyan ensin gluten, ensin xelatina, veganes, ensin OGM y feches con ingredientes orgánicos escoyíos, ensin edulcorantes nin conservantes artificiales” siñalen na páxina ueb de la empresa.
Agora bien, hai que señalar qu’el so saborgu nun ye a vinagre. Ye dulce, a mazana, para lo cual tamién utilizaron remolacha, cenadoria, granada y brusel. Toes estes frutes provenientes de cultivos orgánicos. Amás, indiquen, aseguráronse de caltener la madre de el vinagre nes gominoles. Dos d’elles apurren lo que vendría siendo una cuyarada.
