La XVII Preba de la Sidre de Gascona, ca vegada más referencial nel panorama sidreru asturianu, con trunfu de Viuda de Angelón y d’Orizón.
LA SIDRA.- La Preba de la sidre de los llagares que distribúin la so sidre a los chigres de Gascona: Buznego, Castañón, Cortina, El Gobernador, Fonciello, Foncueva, Herminio, JR, L’Argayón, La Llarada, Menéndez, Muñiz, Orizón, Roza, Trabanco, Vallina, Vigón, Viuda de Angelón y Viuda de Corsino; resultó un nueu y rotundu ésitu.
Con una Gascona atarraquitada d’amantes de la sidre, y con un tiempu afayaizu, que ye importante, Uviéu tornó a ser la capital sidrera d’Asturies con esti eventu qu’añu ente añu va superándose y que ye referencia obligada nel panorama sidreru asturianu.
El concursu a la Meyor Sidre de Gascona, tuvo comu davezu dos ganaores, el popular, que foi pa Viuda de Angelón y el Xuráu Oficial, que foi pa Orizón. Trunfu indiscutible de la sidre de Nava.
El xuráu profesional tuvo guiáu por Luis Estrada, y servíu pol echaor Jorge Vargas, Campión d’Echaores 2015, tando’l xuráu formáu por Maximino Villarrica, Gumersindo Martínez, Joaquín Cernuda, Severino Cueva y Agustín Rodríguez.
