La festividá de la bébora asturiano va enartase dientru’l Festival de la Gaita, consolidáu como referente de la música asturiana
LA SIDRA.- La Banda Gaites Villaviciosa-El Gaiteru presentó oficialmente la XIV edición del Festival Internacional de la Gaita nel Conceyu Villaviciosa cola presencia de dellos representantes de la Banda maliaya. Esta nueva edición, va cellebrase los prósimos 5 al 8 de setiembre, con un ampliu programa d’actividaes que “va convertir a Villaviciosa na capital de la música asturiana”, tal que destacó l’alcalde, Alejandro Vega
El sábadu 7 y setiembre el FIG va coincidir cola cellebración de la Fiesta de la Sidre, que tendrá llugar demientres la mañana na Plaza’l Güevu. Nesti marcu, la banda bretona Bagad Kevrenn Alré, una de les más prestixoses del mundu, va ser la invitada d’honor a la Fiesta la Sidre y va acompangar l’actu d’apertura del Festival, col primer culín de sidre.
Amás, el Festival Internacional de la Gaita va entamar el xueves con un taller y conciertu de José Manuel Texedor na plaza de Obdulio Fernández, frente al Teatru Riera; y va enllargase fasta’l domingu, 8. El programa inclúi amás un mercáu, y unes Xornaes Gastronómiques, -Les Tables Gaiteres, en collaboración con ACOSEVID
