“Folixa Vermú” torna a Mieres de la mano de la “Folixa na Primavera”. L’eventu hosteleru, entamáu pol Conceyu de Mieres en collaboración cola Xunión de Comerciantes y la empresa d’eventos gastronómicos Gustatio, a la gueta un añu más de dinamizar la hostelería con una ruta peles cuatro decenes d’hosteleros participantes.
LA SIDRA.- Esta tercer edición va desendolcase del 21 d’abril al 1 de mayu, periodu nel que llocales de Mieres, Turón y Cenera van ufiertar los vermús Alma deTrabanco, Roxmut (Sidra Castañón) y Viesk (Sidra Panizales) a un preciu zarráu de 3 euros, tolos díis ente les 12 y les 16 hores. Amás, trés de los establecimientos van preparar cócteles con vermú de sidre. Bobela presenta’l so “Folixa Bobela Royal”, Rodapié creó pa la ocasión “L’Indianu” y la Cafetería Bulnes va preparar un sosprendente cóctel de nome “Cóctel Bulnes”.
Amás, esti añu “Folixa Vermú” va venir cargada de novedaes. Como, por casu, el showcooking que’l cocineru Marcos Morán (Casa Gerardo, 1 Estrella Michelin) el prósimu sábadu 22 nel Auditoriu de la Casa Cultura Teodoro Cuesta, a les 13 hores, abiertu al públicu xeneral, con entrada llibre.
El públicu tamién va tener la so recompensa, porque aquellos que preben a lo llargo d’estos díis de degustación les trés marques, yá seya como vermú o en cócteles de sidre, van entrar nel sortéu de trés xintes o cenes nos restoranes Parador del Rei (Vega del Rei), Arraigo (Posada de Llanera) y Zascandil (Xixón), amás de diez visites a los llagares collaboradores y trés llotes sidreros. En total repartiránse selce premios.
Cola presencia nesta “Folixa” de vermús de sidre, cócteles de sidre, compuestes y bébores d’aperitivu pretende rindise un piqueñu homenaxe a esa evolución de la sidre, a esa diversificación que surdió na poster década tres años d’investigación y munches pruebes. Paga la pena prebar los trés vemús de sidra participante, Alma de Trabanco, Roxmut y Viesk, tanto pola so calidá como polo distintos que son ente sí. L’eventu pretende ser tamién una amuesa más de sofitu al seutor hosteleru, qu’amosó en demasía la so involucración nel proyeutu y les ganes que tien de rializar actividaes que dinamicen al so seutor.
Los hosteleros participantes son: Asador El Carrapiellu, Bar Entrecopas, Barolaya, Bobela, Bodega La Llera, Café Bar Trakatrá, Café Yaracuy, Café Zailen, Cafetería Bulnes, Cafetería Jovellanos, Cafetissimo, Casa Chuchu (Turón), Casa Flora, El Gallineru, Eros, Gran Reserva, L’Ayalga, La Consistorial, La Mala Uva, La Panoya (Cenera), La Pista, La Posada de Bacus, La Taberna del White Bar, La Vida Loca, La Violeta, Las Novedades, Llagar Panizales, Madreselva, Mesón de Carlos (Turón), Onde Siempre (Turón), Rodapié, Santa Bárbara Sidrería, Sidrería Alonso, Sidrería Ca’ Laura, Sidrería Casa Fulgencio, Sidrería Valles Mineros, TC28, Trattoria La Pepa y Vinoteca Planta 14.
