Del 21 al 24 d’abril cellebraráse la Folixa de la Sidre de Ribeseya, entamáu pola asociación Entaina Ribeseya.
LA SIDRA.- Esti eventu sidreru, nel que collabora Viuda de Angelón y el Conceyu Ribeseya, cuntará con conciertos, música’l país, concursu d’echaores, de sidre casero, nueche en danza, bolos… y una carrapotá d’actividaes que tienen a la sidre y a la cultura asturiana de la sidre comu protagonista.
Pocu a pocu dirá confirmándose la programación con tolos detalles, pero per agora, ta bien saber que continúa la Folixa de la Sidre, y qu’esti añu promete ser tovía meyor, dempués de la so recién recuperación dempués d’unos cuantos años ensin cellebrase, ente otres custiones pola avezada falta de sofitu istitucional.
Dende LA SIDRA tol nuesu sofitu a esta folixa, y el compromisu de que diremos informanco conforme vaiga afitándose’l programa, y yá sabemos onde hai que tar del 21 al 24 d’Abril, de folixa sidrera en Ribeseya.
