El prósimu Festival Intercélticu de Lorient pa 2025: convidando a los Celtas Americanos.
Na prósima edición del FIL (Festival intercélticu de Lorient/An Oriant), la númberu 54ª cellebrarase dende’l 1 al 10 d’agostu del añu que vien y los protagonistes sedrán los celtes de la diáspora d’América: Acadia, Quebec, Luisiana y dellos más.
Esti 2024 foi un añu difícil por mor de les llimitaciones de la interferencia de los Xuegos Olímpicos pero l’añu que vien el festival torna al so calce ñatural tantu en cuantu a calandariu comu a formatu.
La diáspora va ser la protagonista, ello ye, les cultures d’aniciu celta del vieyu continente (sobre too Escocia, Bretaña, Gales ya Irlanda) que migraren al continente americanu y aparte d’integrase caltuvieren los sos raigaños y les sos referencies, dende la llingua, la sidra, la gastronomía y por supuestu la música.
Estos exemplos sedríen los “primos americanos” de los celtes europeos: Acadia, Luisiana, Quebec, Nuéu Brunswick, Islla Cabu Bretón, Nueva Escocia, Boston y Nueva York. Son toos ellos de la costa este d’América, lóxicamente onde s’asitarion dende los sos países d’aniciu, siendo los inmigrantes que fixeren de pioneros en tierres nueves pa ganase la vida.
Ya va munchos años dende que Lorient acoyó a les diáspores, siendo los caberos l’añu dedicáu a Acadia (edición de 2012) y Australia (edición de 2015) y anguañu ya tan disponibles les pegadielles col diseñu del añu que vien nos puntos de distribución, d’información y merchandising.
