Cellebraráse’l prósimu 13 de mayu y sedrá la Fiesta de la Sidre más ocidental del país.
LA SIDRA.- Esta fiesta de la sidre entamada pola Comisión de Fiestes de Piantón, ufre botella sidre, vasu xerigrafíau comemorativu de la fiesta y ración d’empanada de chorizu y panceta, o empanada de bonitu y chorizu a la sidre, por 10 €, cola posibilidá de tomar tanto la sidre como la xinta per separtao.
El chigre llévalu la propia comisión, y anuncien precios populares.
Per agora trátase de la fiesta de la sidre más ocidental del país que respuende a una ca vegada mayor presencia de la nuesa bébora tradicional nesa fastera d’Asturies, na que l’actividá del llagar Solleiro -Taramundi- costitúi un dinamizaor de primer orde.
Cellebraráse’l prósimu 13 de mayu na Plaza de Piantón, cuntando cola actuación de Disco Movil Blanco y Negro.
Piantón ye una collación del conceyu de Veigadeo, conocía ente otres munches coses porque n’ella atopóse la estela prerromana de Nícer, n’A Corredoria.
