La XXXIX Edición del Festival de la Sidre de Nava avérase a les sos xornaes más emblemátiques.
LA SIDRA.- Anque entamó oficialmente’l pasáu 5 xunetu, la fin de selmana del 8 al 10 de xunetu continúa siendo la referencia más importante d’esti festival y na que s’acumulen les más de les cellebraciones propiamente vinculaes a la sidre.
El martes entamó’l festival col IV Concursu de sidre y derivaos en Nava y esti xueves tendrá llugar a les 6 de la tardi la Preba de Preseleición del Concursu a la Meyor Sidre Natural Asturiana, que se cellebrará nel Llagar de Sorribes y cuya final sedrá’l sábadu 9 de xunetu a les 12 hores. Asina mesmo, la tardi del vienres 8 tendrá llugar el coloquiu sobro’l Muséu de la Sidre, y el domingu a les 12 hores el Concursu d’Echaores…en xeneral, una auténtica fargatada de propuestes onde la sidre ye la principal protagonista, y nes que paga la pena participar..
El Festival de la Sidre de Nava ye’l más antiguu de los esistentes n’Asturies, y nos años caberos vien faciendo un auténticu esfuerciu por actualizar los sos conteníos y presentar una ufierta más completa na que la sidre y la cultura xenerada al so alrodiu, seya l’auténtica protagonista.
