El prósimu xueves 14 xineru aconceyará’l xuráu del IX Concursu Semeyes LA SIDRA que concederán el Premiu a la Meyor Semeya, dos accesits y el Premiu Especial JR.
LA SIDRA.- Comu davezu les delliberaciones del xuráu sedrán abiertes al públicu, que podrá siguir el procesu de seleición y participar nun alderique abiertu col xuráu pa conocer de primer man cualos son los criterios siguíos y qué aspeutos valoraron más positivamente.
L’actu entamará de magar les 20 hores, anque ye posible que se retrase daqué, darréu que la participación comu miembros del xuráu de dellos fotoperiodistes obliga a adautase al horariu llaboral de los mesmos.
El Concursu Semeyes LA SIDRA cunta dende’l so aniciu col sofitu del Llagar JR y la collaboración de la Sidrería La Galana de Xixón.
El mecanismu pol que se conceden los premios camudará daqué respeutu a otres ediciones, darréu que dao la gran participación obliga a facer una preseleición más severo, eses semeyes preseleicionaes sedrán proyeutaes nel actu, y el Xuráu dirá votándoles y procediendo a esbillar ente elles fasta que s’algamen los premios previstos pal concursu.
