El xuráu va aconceyar nun actu públicu esti xueves 2 d’avientu nel Llagar El Mancu
Esti prósimu dos d’avientu, a les 20:30 hores, va axuntase’l xuráu del IV Concursu de Semeyes “La Sidra” nun actu públicu nes istalaciones del Llagar El Mancu (Camín de la Eria 49 – Cabueñes. Xixón). Comu novedá esti añu, les semeyes van dir proyeutándose al empar que’l xuráu rializa’l so llabor de seleición, colo que’l públicu asistente va poder esfrutar non solo de les semeyes presentaes al concursu sinón tamién del procesu de valoración que rilicen los profesionales de la fotografía qu’actúen de xuráu.
Hai que destacar qu’a esti IV Concursu Semeyes “La Sidra” presentáronse más de 160 fotógrafos con ná menos que 744 semeyes, lo que representa un auténticu ésitu.
Per otra parte, magar la participación foi mayoritariamente asturiana, hai obres presentaes de tol estáu, d’Europa y d’América llatina, apuntando comu interés que per primer vegada cuéntase con participación rusa.
