La semeya d’Alexandra Castellanos echando un culete perpasa les 22.000 visualizaciones en menos de 12 hores.
LA SIDRA.- El puxu de la cultura asturiana de la sidre vese en custiones tan cencielles como esta, una semeya d’Alexandra Castellanos -Campiona xuvenil del Campionatu d’Echaores d’Asturies 2016- echando un culín, algama les 22.000 visualizaciones en menos de doce hores, con 280 reaiciones, múltiples comentarios y compártiéndose más de 140 vegaes.
La semeya na que s’aprecia l’estilu y la elegancia d’Alexandra echando un culín, ye obra de la perodista Estíbaliz Urquiola, y foi rializada’l pasáu 24 payares demientres el postrer conc ursu d’echaores de la temporada que tuvo na Sidrería El Mallu de Xixón, y tien la fuercia y la espresividá precisa pa tresmitir lo que ye tou un arte y una afición sentía. Por supuestu, aprofitamos pa dar la norabona a Alexandra Castellanos pol so trunfu.
Como bien se dix nel facebook:
“Alexandra Castellanos, campiona xuvenil del Campionatu d’Echaores d’Asturies chando un culín en condiciones.
Esto ye cultura asturiana de la sidre, la mesma que’l “Principado” tien arrequexada en cuentes de llevala a la UNESCO como se comprometió.“
Y ye que xunta la satisfaición que produz esta semeya, tenemos el desenfotu d’un “Principado” que reitera’l so despreciu haza la sidre y la cultura asturiana que l’arrodia, incumpliendo compromisos y faltando a la so pallabra.
¡En manes de quien tamos!
