Espichados ñaz va quince años cuando Marcos Herrero decide xunir dos conceutos aparentemente estremaos pero venceyaos íntimamente colo más auténtico del ser humanu: la creatividá y la folixa.
LA SIDRA.- “Quería que la xente sacare lo que lleva dientro, que se soltare y se sintiere llibre pa crear, y pensé, ¿qué meyor que la sidra pa eso”. D’ehí surdieron les primeres Espiches Creatives, nes que los asistentes podíen dar rienda suelta al so arte con estremaos materiales (arcilla, pintura, plastilina, papel…).
Dende entós la organización de les espiches creatives foron pasando por muncha xente y seique l’espíritu anicial sigue vivu, caún va apurriendo un toque personal. Dende va unos años tienen conteníu temáticu y esti añu l’equípu entamáu por Leticia Carbajal, Xuan González, Alfonso, Manuel García, Enma, Oscar Pardo y Jose Luis Fernández decidieron centrase no músical dedicando la folixa al Rock.
“A los hijos del Rock and Roll, bienvenidos” fue l’espectacular recibimientu col qu’entramos al llagar de Cabueñes nuna cita onde nun faltó naide: Queen, Guns and Roses, Janis Joplin, Fredy Mercury, Angus Young y munchos más, dándolo too pente culín y culín. Cola meyor música de fondo ya un públicu totalmente entregáu, mientres mos esforzábemos en cumplir les prebes de la gymkana rockera y dexábemos costancia escrito del momentu, les dos de la nueche aportaron nun soplu y les cinco hores d’espicha ficiéronse cuasi curties de tan intenses.
