La Banda Gaites Villaviciosa entama’l sábadu 16 de marzu la Folixa PreFig, un eventu empobináu a recaudar fondos pa financiar el Festival Internacional de la Gaita (FIG), y qu’escomienza con una espicha
LA SIDRA.- La espicha entamará na Plaza d’Abastos de La Villa a les 20:30 h, con un preciu de 18 €. Pa participar hai que mercar previamente’l VAL, con plazu fasta’l 13 marzu lo que pue facese en dellos comercios collaboradores de Villaviciosa (Cuadra2, Tamara Díaz y Taller El Riberu).
A les 22’00 h. entamen los conciertos, pa los que l’accesu ye llibre. Van actuar, por esti orde, la Banda Gaites Villaviciosa – El Gaitero y los tríos de música folk Loína (formáu polos hermanos Andrea y Rodrigo Joglar y Julio Rodríguez) y Llau (Dani Álvarez, Lisardo Prieto y Luis Nicolás). Darréu, habrá escenariu abiertu.
