Dientro les actividaes del Festival Arcu Atlánticu nun podía faltar la participación de la sidre, como parte indispensable de la nuesa cultura.
Asina, el xueves 31 a les ocho y media de la tardi los Xardinos de la Reina van acoyer una esibición d’echar sidre, protagonizada cuatro de los echaores del escepcional equipu de la Sidrería La Montera Picona de Ramón: Wilkin Aquiles, actual Campeón d’Echaores y segundu clasificáu nel Campeonatu 2024, la muyer meyor asitiada nel mesmu, Alejandra Vanegas , Jorge Vargas, cuartu clasificáu y recién ganador nel esixente concursu de Nava y Emilio Rubio, propietariu de la sidrería.
Tres la esibición va tener llugar un taller prácticu d’eschar sidre nel que se va esplicar a los asistentes les nociones básiques y va dáse-yos la oportunidá de probar ellos mesmos a echar unos culinos.
La ocasión va aprovechase para dar información sobre la sidre, les sos característiques y l’importancia d’echalo correchamente, poniendo en valor esti arte esclusivude la sidre asturiano.
Tamién dientro de los actos del Arcu Atlánticu venceyaos a la sidre el vienres celebrará se un «showcooking», nos Xardinos de la Reina, nel que se va dar visibilidá al maridaxe del atún cola sidra.
