El plazu d’iscripción para participar nel concursu remata’l prósimu xueves 5 de payares
LA SIDRA.- Por cuenta la cellebración de les XXX Xornaes Gastronómiques del Pote de Turón, declarada Fiesta d’Interés Turísticu, cellébrase l’IV Concursu “Esplorando’l Pote Perfechu”. El plazu d’iscripción pa participar nesti certame remata’l próximu xueves 5 de payares. Tres la visita del xuráu misteriosu per caún de los establecimientos participantes van ser los meyores venti potes los que pasen a la final del concursu, que se va cellebrar el prósimu xueves 26 de payares a les 17:00 hores nel Colexu Sallar de Turón.
El xuráu del concursu va tar compuestu por prestixosos cocineros de la rexón y críticos gastronómicos, que van ser los encargaos de probar y valorar toles propuestes que se presenten a concursu, coles mires d’establecer la clasificación final y escoyer al ganador. Tres la visita del xuráu misteriosu per caúnu de los establecimientos participantes van ser los meyores venti potes los que pasen a la final del concursu, que se va celebrar el próximu xueves 26 de payares a les 17 hores nel Colexu La Salle de Turón.
Ellí mesmu tamién se va llevar a cabu una clas maxistral impartía por Pedro Martino el martes 17 payares. Amás, les XXX Xornaes del pote van cellebrase del 28 de payares al 8 d’avientu. Tán entamaes pol Conceyu Mieres, la Sociedá Turonesa de Festexos y l’Asociación d’Hostelería y Turismu del Valle Turón.
