Juan Cañal, alcalde de Nava, desplica cómo foi la organización el Festival de la Sidre de Nava y cómo s’avanza nel plan estratéxicu pal Muséu de la Sidre
LA SIDRA.- Esti eventu, que cunta cola distinción de ‘Fiesta d’Interés Turísticu Nacional’ cellebró esti añu la so edición númberu XLIV
Ún de los ellementos tradicionales del Festival de la Sidre de Nava ye’l so cartelu y el concursu que s’entama pa escoyele, esti añu ganó’l burgalés Diego Gil, ¿qué destacaría de la so obra?
Como nos postreros años abrimos la participación del concursu de cartelos por que se inscribiera quien quinxera. Nesta edición fueron 64 participantes, lo que denota l’interés qu’espierta’l certame. Pal concursu escuéyese un xuráu de cinco miembros que valora les obres. Nos años caberos los trabayos que ganaron fueron por consensu y nesti tamién foi asina, quiciabes pol colloríu del cartelu, y polo que quier tresmitir el festival, anque nesta ocasión, al igual que l’añu pasáu, seya un festival ensin fiesta. El cartelu tresmite allegría y esa sensación de festividá.
